زبنت النت من بعدك

بعد غياب طال لأشهر .. غياب أجبرني على الحزن..فألتف من حولي حجز صمت ..

أعزائي أعضاء منتدى الحب ..أحببت أن أبادر بهذه الأبيات
التي نالت على إعجابي بصدق ..لاأعلم من كتبها
لمن كتبتها جزيل الشكر مني ..


حبيبي والعلاقة بيننا تدعو للاستغراب
احبك والمسافات الطويلة بيّحت سدي


احبك والوصل في مجتمعنا زلة(ن) تنعاب
وعادات القبايل حكمها ماهوب ينردي


صحيح ان روحنا وحده ولكن نعتبر اجناب

وجدك بالقسا في هالمواقف يشبه لوجدي


وقلبك شاري(ن) قربي ودوني وقفوا احزاب
تبيني يوم ابي وصلك ولكن عاجزة يدي

!
ويدك عاجزة ايضا ولاتقدر تدق الباب
ولاهي قادرة تمسح دموع(ن) سالت بخدي


أكابر يوم اشوفك واحتفي بك ياهلا مرحاااب
واقول اصبر فديتك مالنا غير الصبر بدّي

ولاني ناوية قلبك بلوم وشرهة(ن) وعتاب
احاول آتصبّر واحبس همومي ولا أبدّي

وانا اللي فاهمه وضعك وانا اللي عارفه الاسباب
وانا اللي بالمصايب ما فٍ هالدنيا احد قدي

وانا ماني أنانية ولو قلبي بحبك ذاب
وانا ادري حظي الاقشر وقف من دونك وضدي

ولان التضحية بالحب ماهي دردشة والعاب
نويت اضحي بحبي لاجل سعادة مودّي

رجيتك تبتعد عني وزولك عن عيوني غاب
خلاص اليوم ترسيم الحدود وذاااك هو حدي

وابيّن قوة العاشق واشيل الساس والأطناب
واقول من الهوا جزنا مع انه صدق ماودي!؟

ورحت بعيد عن عيني وزولك عن عيوني غاب
وانا عقبك ما غير ابكي والوم الحظ المصدي

صبرت وضاعت الحيلة خيالك ساكن الاهداب
وطيفك كنه موصًّى يمر القلب ويعدي

زبنت النت من بعدك دخلت بمنتدى المرقاب
عساني انشغل عنك وازيد بقسوتي وصدي


وصرت اكتب لهم عنك قصايد كلها اعجاب
وهم ماقصروا فيني عجبهم شعري وعدي

وكم قالوا لي ابدعتي وكم صفوا لي الالقاب
ومع ذلك عجزت اسلى وجرحي دوم يشتدي


وانا والمنتدى صارت علاقتنا كما الاصحاب
احسه يفرح لفرحي وفي همي لي يهدي



وفي لحظة ضعفت وجابني لك شوقي الغلاب
سبب بعض الهجوس اللي تجيب الهم وتودي

اتمنى ان تنال ااعجابكم اخوكم محمد